88 illik göstərici təkrarlandı
Arne Slot “Liverpul”un sükanı arxasında “Mançester Yunayted”i ilk oyununda məğlub edən 3-cü məşqçi olub.
Msport.az xəbər verir ki, niderlandlı mütəxəssis komandasının Premyer Liqanın III turunda “Old Trafford”da 3:0 hesablı qələbə qazandığı görüşdə buna nail olub.
Sonuncu dəfə “Mançester Yunayted”i ilk görüşündə məğlub edən “Liverpul” çalışdırıcısı 1975-ci ildə Bob Peysli olub. Corc Kay isə 1936-cı ildə səfərdəki açılış görüşündə “Mançester Yunayted” üzərində qələbə sevinci yaşayıb. Maraqlıdı ki, Slot 88 ildən sonra onun bu göstəricisini təkrarlayıb.
Qeyd edək ki, Arne Slot yay fasiləsində ayrılan Yurgen Kloppu əvəzləyib. “Mersisaydlılar” ilk 3 turda 9 xal toplayıblar.
