A Seriyası nəhəngində yeni müqavilə
“Roma” qapıçısı Mile Svilar ilə müqavilənin müddətini uzadıb.
Msport.az xəbər verrir ki, bu barədə paytaxt təmsilçisinin mətbuat xidməti məlumat yayıb.
25 yaşlı serbiyalı futbolçunun yeni sözləşməsi 2030-cu ilin yayınadək nəzərdə tutulub.
Qolkiper 2024-25 mövsümündə A Seriyasında 16 matçda qapısını toxunulmaz saxlayıb. “Canavarlar” 2025-ci ildə 11 qarşılaşmada qol buraxmayıb, bu da Avropanın Top-5 çempionatında ən yüksək göstəricidir. Mile Svilar isə mövsümün sonunda A Seriyasının ən yaxşı qapıçısı seçilib.
Qeyd edək ki, 2022-ci ildən “Roma”da çıxış edən oyunçu ümumilikdə 88 görüşdə meydanda olub.
