Ağır cəza - Danışılmış oyuna görə çempionluqları ləğv olundu
“Şaxtyor” (Soliqorsk) Belarus çempionluğundan məhrum edilib. Msport.az xəbər verir ki, komanda danışılmış oyuna görə ağır cəza ilə üzləşib.
“Şaxtyor” 2022-ci ilin qızıl medallarından məhrum edilməklə yanaşı, cari mövsüm hesabından 30 xal silinib. 2024-cü ildə isə “Şaxtyor”un 20 xalı silinəcək.
Klub 370 min Belarus rublu (146 min 587 dollar) cərimə olunub.
Araşdırma nəticəsində 2022-ci ildə gümüş medal qazanmış “Energetik-BQU” komandası da cəzalanıb. Komandanın medalları alınıb və hesabından 20 xal silinib.
“Belşina” klubu da cəzalananlar sırasındadır.
Xatırladaq ki, “Şaxtyor” 2022-ci ildə “Belşina” ilə danışılmış oyunun (4:1) təşkilində günahlandırılırdı. Komanda bu qələbə sayəsində 3-cü dəfə çempion olmuşdu.
