Ançelotti ilə Klopp bir-birlərinə hədiyyə göndəriblər
“Real”ın baş məşqçisi Karlo Ançelotti “Liverpul”da işləyən həmkarı Yurgen Kloppla münasibətlərinin əla olduğunu deyib.
Msport.az “Sky”a istinadən xəbər verir ki, italiyalı mütəxəssis Kloppa hədiyyə göndərdiyini də bildirib:
“Bizim münasibətlərimiz yaxşıdır. Pandemiya vaxtı 1,5 ili Liverpulda (Ançelotti o zaman “Everton”u çalışdırırdı – red) bir yerdə keçirdik. Tez-tez yazışırdıq, bir-birimizə hədiyyələr göndərirdik. O, çox mehriban insandır.
Nə hədiyyəsi? Elektron siqaret”.
Xatırladaq ki, sabah Çempionlar Liqasının 1\8 final mərhələsi çərçivəsində “Liverpul” “Real”ı qəbul edəcək.
ANAR ABDULLAYEV
