Ançelottinin yubileyi
Karlo Ançelotti “Real”ın baş məşqçisi kimi 350-ci oyununu keçirib.
Msport.az xəbər verir ki, yubiley “Barselona” ilə keçirilən (3:4) oyunda gerçəkləşib.
İtaliyalı mütəxəssisin rəhbərliyi altında komanda 247 qələbə qazanıb, 53 dəfə məğlub olub və 50 dəfə heç-heçə edib.
Ançelotti klub tarixində ən çox oyun keçirmiş baş məşqçilər sırasında ikinci yerdədir. O, yalnız 605 oyunla zirvədə qərarlaşan Migel Munyosdan geri qalır.
