“Arsenal” son Avropa çempionunu transfer etdi
“Arsenal” Mikel Merinonun transferini açıqlayıb. Msport.az xəbər verir ki, İspaniya millisinin üzvü London klubuna “Real Sosyedad”dan keçib.
Onunla 4+1 illik müqavilə imzalanıb. “Topçular” 28 yaşlı futbolçuya görə 32 milyon avro xərcə düşüb. Daha 5 milyon da əlavə bonuslara görə ödəniləcək.
Yarımmüdafiəçiyə İspaniyanın iki klubundan təklif olsa da, o, İngiltərə Premyer Liqasına getməkdə maraqlı olub.
Merino İspaniya yığmasının heyətində AÇ-2024-ün qızıl medalını qazanıb. O, karyerası ərzində “Osasuna”, “Borussiya Dortmund”, “Nyukasl” klublarında da çıxış edib.
