Arturo Vidal 9 dəqiqəyə meydandan qovuldu
“Rasinq” Libertadores Kubokunun qrup mərhələsinin V turunda doğma meydanda “Kolo-Kolo”nu 4:0 hesabı ilə məğlub edib.
Msport.az xəbər verir ki, “Kolo-Kolo”da çıxış edən Arturo Vidal 9 dəqiqəyə 2 sarı vərəqə alaraq meydandan qovulub.
“Bavariya”nın və “Barselona”nın sabiq yarımmüdafiəçisi matçın 54 və 63-cü dəqiqələrində cəzalandırılıb.
O, Çilinin Amerika Kubokunda Argentinaya qarşı qazandığı qələbələrə işarə edərək, tribunalara barmağı ilə 2 göstərdiyi üçün ikinci xəbərdarlığı alıb.
“Rasinq” 10 xalla E qrupuna başçılıq edir. “Kolo-Kolo” isə 2 xalla sonuncudur və pley-offa çıxmaq şansını itirib.
