“Atalanta” şok ayrılığa hazırlaşır
“Atalanta”nın baş məşqçisi Can Pyero Qasperini İtaliya yayda komandanı tərk edəcək.
Msport.az xəbər verir ki, bu barədə insayder Nikolo Skira məlumat paylaşıb.
İddiaya görə, 67 yaşlı mütəxəssislə müqavilə 2026-cı ilin yayına qədər qüvvədə olsa da, o, klubdan vaxtından əvvəl ayrılmaq üçün danışıqlar aparmaq niyyətindədir.
Klaudio Ranyeriyə əvəzləyici axtarışlarını davam etdirən “Roma”nın Qasperininin xidmətində maraqlı olduğu bildirilib.
Qasperini 2016-cı ilin yayından “Atalanta”ya rəhbərlik edir. O, həmçinin “Cenoa”, “Palermo”, “İnter” və “Krotone” klublarını da çalışdırıb.
30 turdan sonra “Atalanta”nın 58 xalı var və A Seriyasında “İnter”dən 9 xal geri qalaraq 3-cü yerdədir.
