Avropa Liqası: Daha səkkiz komanda növbəti mərhələdə
UEFA Avropa Liqasında növbəti mərhələyə vəsiqə qazanan daha 8 komandanın adına aydınlıq gəlib.
Msport.az xəbər verir ki, bu Liqa mərhələsinin VII turunun matçlarından sonra müəyyənləşib.
İtaliya təmsilçisi “Latsio” 1/8 finala vəsiqəni təmin edib. Bakıda “Qarabağ”ı məğlub edən FCSB-nin, eyni zamanda “AZ Alkmaar”, “Bodo-Qlimt”, “Viktoriya”, “Olimpiakos”, “Reyncers”, “Tottenhem” və “Union”un pley-offa vəsiqə əldə etdiyi dəqiqləşib.
Son – 8-ci turda pley-off üçün qalan 9 yer uğrunda 14 klub mübarizə aparacaq. Bunlar “Ayaks”, PAOK , “Real Sosyedad”, “Midtülland”, “Elfsborq”, “Roma”, “Ferentsvaroş”, “Fənərbaxça”, “Beşiktaş”, “Portu”, “Tvente”, “Braqa”, “Hoffenhaym” və “Makkabi”dir (Tel-Əviv).
RFŞ, “Slaviya”, “Malmö”, “Ludoqorets”, “Qarabağ”, “Nitsa” və “Dinamo”nun (Kiyev) isə Avroliqa ilə vidalaşacağı dəqiqdir.
Qeyd edək ki, bunadək “Latsio”, “Atletik”, “Anderlext”, “Lion”, “Ayntraxt”, “Qalatasaray” və “Mançester Yunayted” ən az pley-offda iştirakı rəsmiləşdirmişdi.