“Barselona”dan Olmoya 6 illik müqavilə
İspaniyanın “Barselona” klubu milli üzvü Dani Olmoya 6 illik müqavilə təklif edib.
Msport.az xəbər verir ki, hazırda Almaniyanın “Leyptsiq” klubunun formasını geyinən futbolçunun agentləri ilə danışıqlar aparılır.
26 yaşlı yarımmüdafiəçi 2020-ci ildən Bundesliqa təmsilçisində çıxış edir.
Qeyd edək ki, İspaniya yığması ilə AVRO-2024-ün qalibi olan D.Olmo ötən mövsüm Almaniya klubunda meydana çıxdığı 25 oyunda 8 qol və 5 məhsuldar ötürmə ilə yadda qalıb.
