“Barselona” futbolçusunu “Malyorka”ya satdı
“Barselona”nın hücumameyilli yarımmüdafiəçisi Pablo Torre “Malyorka”ya keçib.
Msport.az xəbər verir ki, klublar 22 yaşlı ispaniyalının transferində razılığa gəliblər.
Həmçinin, “Barselona” Torreni sonradan geri almaq üçün prioritet hüquqa malik olacaq. Kataloniya klubu futbolçunun sonrakı satışından da müəyyən faiz alacaq. “Malyorka” Torreni “Barselona”dan 500 min avroya alıb.
Qeyd edək ki, Pablo Torre 2022-ci ildən “Barselona”da çıxış edir. Bu müddət ərzində o, 27 matçda iştirak edib, 5 qol vurub və 4 məhsuldar ötürmə verib.
