“Barselona” “Mançester Siti”nin oyunçusunu transfer edir
“Barselona” yayda İlkay Gündoğanı transfer etməyə yaxındır. Msport.az “Diario Sport”a istinadən xəbər verir ki, “Mançester Siti”nin yeni müqavilə təklifini qəbul etməyən yarımmüdafiəçi azad agent olacaq.
Gündoğan Kataloniya klubu ilə 2+1 sistemi ilə müqavilə bağlayacaq. 32 yaşlı futbolçunun maaşı bir mövsüm üçün 12 milyon avro olacaq.
İlkay 2016-cı ildən “şəhərlilər”in heyətində çıxış edir. O, bu mövsüm bütün turnirlərdə 40 oyuna çıxıb, 5 qol vurub və 4 məhsuldar ötürmə verib.
ANAR ABDULLAYEV
