“Barselona” Messiyə görə futbolçuların maaşını endirməlidir
“Barselona” Lionel Messiylə müqavilə bağlamaq üçün komandanın maaş xərcini 205 milyon avroya endirməlidir.
Msport.az AS nəşrinə istinadən xəbər verir ki, Kataloniya təmsilçisi futbolçuları Mark-Andre Ter-Ştegen, Jordi Alba və Frenki De Yonqun maaşını aşağı salmağa çalışacaq. Serxio Buskets, Ferran Torres və Niko Qonzales isə klubu tərk edəcək futbolçuların siyahısındadır. “Toxunulmazlıq” statusu yalnız Ronald Arauxo, Jül Kunde, Qavi, Pedri və Robert Levandovskiyə aiddir.
Qeyd edək ki, Messinin PSJ-lə müqaviləsi mövsümün sonunda bitir. Onun “Barsa”ya qayıdacağı gözlənilir.
Royal Türksoy
