“Barselona”nın 4 futbolçusu ərəblərin radarında
Səudiyyə Ərəbistanının üç klubu “Barselona” rəhbərliyi ilə görüşərək katalonların 4 futbolçusunun mümkün transferini müzakirə edib.
Msport.az xəbər verir ki, bunlar “Əl-Nəsr”, “Əl-Hilal” və “Əl-İttihad”dır.
“Əl-Hilal” İspaniya nəhənginin aparıcı oyunçusu Rafinyaya ciddi maraq göstərir. Braziliyalı isə klubu ilə yeni müqavilə barədə danışıqlar aparır. Lakin tərəflər sözləşmənin müddəti və maaş məsələsində razılığa gələ bilmirlər.
“Əl-Nəsr” müdafiəçilər Ronald Arauxo və Jül Kundeni heyətinə qatmağı düşünür.
“Əl-İttihad” isə yarımmüdafiəçi Frenki de Yonqu istəyir. Adıçəkilən klub artıq neçə aydır bu transferi həyata keçirməyə çalışır.
