“Barselona”nın “Nou Kamp”a qayıdacağı tarix bilindi
“Barselona” tezliklə “Nou Kamp”a qayıda bilər.
Msport.az xəbər verir ki, dönüşün sentyabrda reallaşması gözlənilir.
Klub rəhbərliyi arenada yenidənqurma işlərinin həmin vaxt yekunlaşmasını planlaşdırır. İşlər başa çatdıqdan sonra “Nou Kamp”ın tamaşaçı tutumu 105 min nəfər olacaq. Komanda 2023-cü ildən bəri ev oyunlarını 56 min tamaşaçı tutumuna malik Barselona Olimpiya Stadionunda keçirir.
Qeyd edək ki, “Barselona” hazırda La Liqada 31 turdan sonra 70 xalla liderdir.
