“Barselona”nın prezidenti danışıq aparmaq üçün Dubayda
“Barselona”nın prezidenti Joan Laporta Yaxın Şərqə işgüzar səfərə gedib.
Msport.az xəbər verir ki, prezidentlə klubun bir neçə direktoru potensial investorlarla danışıqlar aparmaq üçün Dubaya yollanıb.
Kataloniyalılar müxtəlif vasitələrlə vəsait toplamaq istəyirlər. “Barsa” hazırda diqqətini “Nou Kamp” stadionu ilə bağlı aktivləri satmağa yönəldir. Hesab edilir ki, yeni VIP oturma sövdələşmələri kluba dərhal fayda gətirə bilər və buna görə də əsas müzakirə mövzusu olacaq.
