“Bavariya”dan futbolçusuna yeni müqavilə təklifi
Almaniyanın “Bavariya” klubu futbolçusu Tomas Müllerlə müqavilənin uzadılması ilə bağlı danışıqlara başlayıb.
Msport.az xəbər verir ki, razılıq əldə olunacağı təqdirdə 34 yaşlı oyunçunun yeni sözləşməsi 2025-ci ilin yayınadək nəzərdə tutulacaq.
Onun hazırkı müqaviləsi 2024-cü ilin yayında bitir. Müller cari mövsüm 14 oyunda 2 qol və beş məhsuldar ötürmə ilə yadda qalıb.
