Benzema 500 qola çatdı
Səudiyyə Ərəbistanı çempionatının ilk turunda çempion “Əl-İttihad” səfərdə “Əl-Axdud”a 5:2 hesabı ilə qalib gəlib.
Msport.az xəbər verir ki, Kərim Benzema bu oyunda het-trik edib.
37 yaşlı hücumçu ilk qolu ilə karyerasında 700-cü məhsuldar hərəkətə (qol və assistlərin cəmi), ikinci qolu ilə isə bütün turnirlərdə 500-cü qoluna imza atıb.
Beləliklə, Benzema 500 qol həddini aşan ilk fransalı futbolçu olub.
Ən məhsuldar fransalı futbolçular:
501 – Kərim Benzema
411 – Tyerri Anri
380 – Kilian Mbappe
Kərim Benzemanın 501 qolu:
354 – “Real”da
66 – “Lion”da
44 – “Əl-İttihad”da
37 – Fransa millisində
