“Beşiktaş” baş məşqçisini qovdu
“Beşiktaş” norveçli baş məşqçi Ule Qunnar Sulşeri istefaya göndərib.
Msport.az xəbər verir ki, komanda UEFA Konfrans Liqasının pley-off mərhələsinin son raundunun cavab oyununda öz meydanında İsveçrənin “Lozanna” komandasına 0:1 hesabı ilə uduzub.
Bu nəticə ilə “Beşiktaş” 2022-23 mövsümündən sonra ilk dəfə avrokubokların əsas mərhələsində iştirak etməyəcək. 52 yaşlı Sulşer 2025-ci ilin yanvarında “Beşiktaş”ın baş məşqçisi təyin olunmuşdu. Onun rəhbərliyi ilə komanda ötən mövsüm Türkiyə çempionatını 4-cü pillədə başa vurmuş, ölkə kubokunda isə 1/4 finala qədər irəliləmişdi.
Qeyd edək ki, 2018–2021-ci illərdə Sulşer “Mançester Yunayted”in baş məşqçisi olub.
