“Beşiktaş” Fernandu Santuşa nə qədər təzminat ödəyəcək?
“Beşiktaş”ın istefaya göndərdiyi baş məşqçisi Fernandu Santuşa nə qədər təzminat ödəyəcəyi məlum olub. Msport.az xəbər verir ki, bu barədə klubun maliyyə direktoru Kaan Şakul açıqlama verib:
“Fernandu Santuş üçün 500 min avro təzminat ödəyəcəyik. Bu ödəniş müqaviləyə xitam verilən gündən 5 ay ərzində hissə-hissə veriləcək. Başqa hər hansı ödəniş etməyəcəyik”.
Qeyd edək ki, portuqaliyalı mütəxəssis dünən “Samsunspor”la oyundan (1:1) sonra istefaya göndərilib. İstanbul klubu onun rəhbərliyi altında 16 oyunda 7 qələbə qazanıb, 4 heç-heçə edib və 5 matçda məğlub olub.
69 yaşlı mütəxəssis “Beşiktaş”da cəmi 3 ay işləyib.
