“Beşiktaş”ın futbolçusu ilk dəfə bu aqibətlə üzləşdi
“Beşiktaş”ın hücumçusu Cenk Tosun Türkiyə Super Liqasının 14-cü turundan təxirə salınmış “Antalyaspor”la oyunda penaltidən yararlana bilməyib.
Msport.az xbər verir ki, qarşılaşmanın 90+4-cü dəqiqəsində rəqib qapıçı məhz Tosuna qarşı kobudluğa görə penaltiyə səbəb olub.
11 metrlik zərbəni Cenk özü yerinə yetirib. Lakin “Antalyaspor”un qapıçısı öz səhvini düzəldərək bu penaltini dəf etməyi bacarıb.
Nəticədə Tosun karyerası ərzində ilk dəfə Super Liqada penaltidən dəqiq yararlana bilməyib. O, buna qədər çempionat çərçivəsində 12 dəfə penalti yerinə yetirmiş və hamısında dəqiq olmuşdu.
Xatırladaq ki, “Beşiktaş” – “Antalyaspor” matçı 0:0 hesabıyla başa çatıb.
