“Beşiktaş”ın sabiq baş məşqçisi İngiltərədə işləyəcək
“Beşiktaş”ın sabiq baş məşqçisi Valerien İsmael İngiltərənin “Uotford” klubunu çalışdıracaq. Msport.az xəbər verir ki, 47 yaşlı mütəxəssisin müqaviləsinin detalları barədə məlumat verilməyib.
Valerien İsmael 2022-ci ilin mart ayından oktyabr ayınadək “Beşiktaş”a rəhbərlik edib. O, İstanbul təmsilçisindən ayrıldıqdan sonra işsiz idi.
Qeyd edək ki, “Uotford” Çampionşipdə 36 oyundan sonra 63 xalla 11-ci yeri tutur.
