Beynəlxalq oyunlarda ən çox qol vuranlar
2024-cü ildə keçirilən beynəlxalq oyunlarda ən çox qol vuranlar bəlli olub.
Msport.az xəbər verir ki, İFFHS milli komanda və klub səviyyəli beynəlxalq turnirlərin bombardirlərini açıqlayıb.
Cədvələ Mərakeş yığmasının futbolçuları başçılıq edirlər. Dünyanın ən yaxşı bombardiri Sofian Rahimi 20 qol vurub. O, millidə 4, BƏƏ-nin “Əl-Əyn” klubunda 16 dəfə fərqlənib.
“Olimpiakos”da 15, yığmada 4 qola sevinən Ayub El-Kaabi liderdən bir top geri qalıb. İlk “üçlüy”ü Avropanın ən yaxşısı Erlinq Haland qapayıb. Aktivində 17 top olan hücumçu Norveç millisində 11, “Mançester Siti”də 6 dəfə fərqlənib.
Kriştiano Ronaldo 14 qolla siyahıda 8-cidir. Lionel Messi 8 topla 51-ci yerə şərikdir.
Qeyd edək ki, siyahıda ən azı 8 qol vuran 61 futbolçu daxil edilib.
