Blind milli komanda ilə vidalaşdı
Deyli Blind Niderland milli komandasındakı karyerasını bitirib. Msport.az xəbər verir ki, 34 yaşlı futbolçu bununla bağlı sosial şəbəkədəki hesabında paylaşım edib.
“108 dəfə narıncı formanı geyinmək mənim üçün şərəf idi. 11 il ərzində bu formada əlimdən gələni etdim”.
Hazırda “Jirona”nın formasını geyinən veteran futbolçu buna qədər “Ayaks”, “Qroningen”, “Mançester Yunayted” və “Bayern” klublarının formasını geyinib.
