“Borussiya”nın futbolçusu zədələndi
Almaniyanın “Borussiya” (Dortmund) klubunun futbolçusu Niko Şlotterbek zədə alıb.
Msport.az xəbər verir ki, o, UEFA Çempionlar Liqasının Liqa mərhələsinin 6-cı turunda “Barselona” ilə keçirilən oyunda sıradan çıxıb.
Bu barədə Almaniya klubunun mətbuat xidməti məlumat yayıb. Bildirilib ki, Şlotterbek bağlarını zədələyib. Onun ilin sonunadək oynaya biləcəyi hələ bilinmir.
Qeyd edək ki, 25 yaşlı müdafiəçi Bundesliqanın cari mövsümündə 12 oyunda meydana çıxıb.
