“Borussiya”nın yeni baş məşqçisi məlum oldu
“Borussiya Dortmund”un yeni baş məşqçisinin adı məlum olub. Msport.az xəbər verir ki, bu barədə Almaniya klubunun direktoru Lars Riken məlumat verib:
“Biz Niko Kovaçla razılığa gəlmişik. O, bazar günü işinə başlayacaq.”
Xatırladaq ki, yanvarın 21-də Nuri Şahin “Borussiya”nın baş məşqçi postundan istefaya göndərilib.
Niko Kovaça gəlincə, onun son iş yeri “Volfsburq” olub. Buna qədər o, “Monako”, “Bayern”, “Ayntraxt” klubla2rına rəhbərlik edib. Kovaç “Ayntraxt”la Almaniya kubokunu, “Bayern”lə isə Almaniya Bundesliqasını qazanıb.
“Borussiya” hazırda Almaniya çempionatında 11-ci yeri tutur.
