Braziliyalı futbolçu “Mançester Siti”yə keçə bilər
“Yuventus”un futbolçusu Duqlas Luis yenidən İngiltərə Premyer Liqasında çıxış edə bilər.
Msport.az xəbər verir ki, “Mançester Siti” braziliyalı yarımmüdafiəçini heyətinə qatmaq istəyir.
“Şəhərlilər” Luisi mövsümün sonuna kimi icarəyə götürməyi planlaşdırır. “Mançester Siti” 26 yaşlı orta xətt oyunçusu üçün İtaliya klubu ilə danışıqlara başlayıb.
Qeyd edək ki, “Yuventus” Duqlas Luisi mövsümün əvvəlində “Aston Villa”dan 51 milyon avroya transfer edib. Braziliya millisinin üzvü Turin təmsilçisinin heyətində meydana çıxdığı 16 rəsmi matçda qol və assistlə yadda qalmayıb. “Sambaçı” 2017-2019-cu illərdə “Mançester Siti”də çıxış edib.
