Braziliyalı futbolçu yenidən məhkəmə qarşısında
Adı mərc qalmaqalında hallanan Braziliya millisinin və İngiltərənin “Vest Hem” komandasının futbolçusu Lukas Paketa yenidən ifadə verəcək.
Msport.az xəbər verir ki, 27 yaşlı yarımmüdafiəçi dekabr ayında məhkəmə qarşısına çıxacaq. O, bu səbəbdən dekabrın 3-də Premyer Liqada “Lester Siti”yə qarşı matçda oynamayacaq.
Futbolçu oyun zamanı qəsdən sarı vərəqə almaqda şübhəli bilinir.
Qeyd edək ki, Lukas Paketa bu mövsüm “Vest Hem”in heyətində 11 matçda 2 qolla yadda qalıb.
