"Bu çağırışa hazıram" - "Mançester Siti"yə transfer olunan Xusanov
“Mançester Siti”yə transfer olunan Abdukodir Xusanov klubun rəsmi saytına ilk açıqlamasını verib. Msport.az xəbər verir ki, özbəkistanlı futbolçu İngiltərə təmsilçisinə Fransanın “Lans” komandasından keçib:
“Mançester Siti”yə gəldiyim üçün çox şadam. Uzun illərdir ki, bu klubun oyunlarını izləmək mənim üçün xoşdur. Bu komandada dünyanın ən yaxşı oyunçuları var. Onlarla görüşüb bir yerdə oynamaqdan ötrü səbirsizlənirəm. Və əlbəttə ki, Xosep Qvardiola – bütün zamanların ən dahi məşqçilərindən biri. Ondan öyrənməyə və inkişaf etməyə çalışacam. Belə bir böyük kluba qoşulmaq mənim və ailəm üçün çox vacib andır. Bu çağırışa hazıram”.
20 yaşlı futbolçu ilə müqavilə 2029-cu ilin iyununa kimidir. Xusanov İngiltərə Premyer Liqasında çıxış edəcək ilk özbəkistanlı futbolçu olacaq.
