"Bu mövsüm evdə çox xallar itiririk" - Donnarumma
PSJ Fransa Liqa-1-in 33-cü turunda “Loryan”a 1:3 hesabı ilə uduzub. Msport.az xəbər verir ki, Paris klubunun qapıçısı Canluici Donnarumma komandasının böhranda olmadığını deyib:
“PSJ böhrandadır? Qətiyyən, Lakin biz məyusuq və əsəbiyik. Yaxşı oyun göstərmək istəyirdik, təəssüf ki, bu mövsüm evdə çox xallar itirmişik”.
Çempionatın başa çatmasına 5 tur qalmış PSJ 75 xalla turnir cədvəlinə başçılıq edir. “Marsel” 70 xalla 2-ci yeri tutur.
ANAR ABDULLAYEV