“Bu titul klubda qalmaq üçün bəs etmirdi” – Tuhel
“Bayern Münhen”in baş məşqçisi Tomas Tuhel Almaniya Bundesliqası və Fransa Liqa 1-də çempionluğa olan münasibəti müqayisə edib.
Msport.az xəbər verir ki, Tuhel öz açıqlamasında PSJ-də ölkə çempionluğunu qazanmağın adi hal kimi qəbul olunduğunu bildirib.
“PSJ-də bu titul adi hal kimi qəbul edilir. Bu titul klubda qalmaq üçün bəs etmirdi. “Bayern” ardıcıl olaraq Bundesliqanı qazansa belə, hər yeni çempionluq böyük coşquyla qarşılanır” – deyib alman mütəxəssis.
Xatırladaq ki, Tuhelin rəhbərliyi altında PSJ iki dəfə Fransa çempionu olub. 2019/2020-ci mövsümdə parislilər onunla dörd yerli titulun hamısını (Fransa Liqa 1, Fransa kuboku, Liqa Kuboku, Super Kubok) qazanmışdı. Komanda həmin mövsüm Çempionlar Liqasının da finalına qədər yüksəlməyi bacarmışdı.
Royal Türksoy
