Bundesliqa klubunda baş məşqçi istefası
Almaniyanın “Köln” klubu baş məşqçisi Şteffen Baumqartla yollarını ayırıb.
Msport.az xəbər verir ki, bu barədə Bundesliqa təmsilçisinin mətbuat xidməti məlumat yayıb. Komandanın uğursuz çıxışlarına görə almaniyalı mütəxəssisin 2025-ci ilin yayına qədər olan müqaviləsinə qarşılıqlı razılaşma əsasında xitam verilib.
“Köln” hazırda 10 xalla Bundesliqada turnir cədvəlinin 17-ci pilləsində qərarlaşıb. Komanda son 9 rəsmi matçda cəmi 1, ümumilikdə isə bu mövsüm 2 qələbə qazanıb. Baumqart 2021-ci ildən “Köln”ü çalışdırırdı.
