“Çelsi” üçün yeni stadion
İngiltərənin “Çelsi”klubu “Stemford Bric”dən ayrılaraq başqa stadiona köçməyi planlaşdırır.
Msportaz “The Sun”a istinadən xəbər verir ki, “zadəganlar” yeni arenanın tikintisi ilə bağlı danışıqlar aparır. Çünki tutumun artırılması sahiblər üçün əsas prioritetdir və “Stemford Bric”in yenidən qurulmasının mürəkkəbliyi onları Londonun qərbində yeni ərazi axtarmağa vadar edib.
“Transport for London” və tərtibatçı “Delansi” ilə müzakirələr aparılıb. Lakin problem yaradan məsələ odur ki, “Earls Court Development Committee” (ECDC) layihəsinə futbol stadionu daxil deyil. Bu şirkət daha çox minlərlə evin, iş yerlərinin açılması üçün məkanların, mədəniyyət evləri və açıq sahənin yaradılmasına üstünlük verilir. “Çelsi” isə stadion layihəsi üçün israr edir.
