Çempionlar Liqası oyununa 2 itki ilə
“Mançester Yunayted”in 2 futbolçusu UEFA Çempionlar Liqasının Liqa mərhələsinin 2-ci turunda “Atletiko” ilə oyunda iştirak etməyəcəklər.
Msport.az xəbər verir ki, müdafiəçi Luk Şou və yarımmüdafiəçi Kobi Maynu səhhətlərində yaranan problemlərə görə komanda ilə birlikdə Madridə yollanmayıblar.
Bu barədə baş məşqçi Maykl Kerrik məlumat verib.
“Atletiko” – “Mançester Yunayted” matçı bu gün Madriddə keçiriləcək və Bakı vaxtı ilə saat 23:00-da başlayacaq. Hər iki komanda Liqa mərhələsinin ilk turunda məğlub olub.
Qeyd edək ki, Şou 2026/2027 mövsümündə 5 oyunda meydana çıxıb və 1 məhsuldar ötürmə ilə yadda qalıb. Maynu isə 8 matçda iştirak edib və 1 məhsuldar ötürmə verib.
