Çempionlar Liqasında 300-cü qol
İtaliyanın “İnter” klubu UEFA Çempionlar Liqasında 300-cü qolunu vurub.
Msport.az xəbər verir ki, yubiley topu “Atletiko”ya 1:2 hesabı ilə uduzduqları 1/8 final mərhələsinin cavab matçına təsadüf edib.
Komanda turnirdə qol sayına görə 15-cidir. Lider “Real” 1065 dəfə rəqib qapılarına yol tapıb.
Qeyd edək ki, “İnter” “Atletiko”ya penaltilər seriyasında uduzaraq mübarizəni dayandırıb – 2:3.
