Çempionlar Liqasının finalında “Real”ın qapısını kim qoruyacaq?
Çempionlar Liqasının finalında “Real”ın qapısını kimin qoruyacağına aydınlıq gəlib. Msport.az xəbər verir ki, bu barədə jurnalist Xose Luis Sançes sosial şəbəkədə paylaşım edib.
Madrid klubu iyunun 1-də “Uembli” stadionunda keçiriləcək final matçında “Borussiya Dortmund”la üz-üzə gələcək.
İspaniya təmsilçisinin baş məşqçisi Karlo Ançelotti bildirib ki, Tibo Kurtua mayın 19-da La Liqanın 37-ci turunda “Vilyarreal”la görüşdə qapını qoruyacaq. Andrey Lunin isə 38-ci turda “Betis”lə qarşılaşmada meydanda olacaq.
Çempionlar Liqasının finalında isə “Real”ın çərçivəsi Kurtuaya tapşırılacaq.
