Ceymi Vardinin çıxış edəcəyi klub məlum oldu
İngiltərəli hücumçu Ceymi Vardinin karyerasını harada davam etdirəcəyi məlum olub. Msport.az xəbər verir ki, təcrübəli forvard İtaliya A seriyasında çıxış edəcək.
38 yaşlı futbolçu “Kremoneze” ilə razılığa gəlib. Müqavilə cari mövsümün sonuna kimi nəzərdə tutulub.
Bir müddət öncə “Napoli”nin də Vardi ilə maraqlandığına dair xəbər yayılmışdı.
İngiltərə millisində 26 oyunda 7 qol vuran hücumçu 2012-2025-ci illərdə “Lester”in şərəfini qoruyub.
