De Bruyne “Arsenal”la oyunu buraxacaq
“Mançester Siti”nin yarımmüdafiəçisi Kevin De Bruynenin durumuna aydınlıq gəlib.
Msport.az xəbər verir ki, belçikalı futbolçu Premyer Liqa çərçivəsində “Arsenal”la oyunu buraxmalı olacaq.
Buna səbəb ulduz futbolçunun Çempionlar Liqasının I turunda “İnter”lə görüşdə zədələnməsidi. Düzdü, 33 yaşlı pleymeykerin zədəsi ciddi deyil. Lakin baş məşqçi Pep Qvardiola onu qarşıdakı görüşdə riskə atmamaq qərarına gəlib.
Qeyd edək ki, Premyer Liqanın V turunun “Mançester Siti” – “Arsenal” oyunu sentyabrın 22-də keçiriləcək.
