De Xea “Old Trafford”a qayıdır
“Fiorentina”nın qapıçısı David De Xea yenidən “Old Trafford”da oynaya bilər.
Msport.az xəbər verir ki, ispaniyalı qolkiperin bu dəfə sabiq komandası “Mançester Yunayted”ə rəqib olması gözlənilir.
Belə ki, “Fiorentina” avqustun 9-da “qırmızı şeytanlar”la Mançesterdə yoldaşlıq oyunu keçirəcək. De Xea isə ötən ilin yayından Florensiya klubunda çıxış edir.
Qeyd edək ki, 34 yaşlı qolkiper 2011–2023-cü illər ərzində “Mançester Yunayted”in formasını geyinib.
