De Yonq AVRO-2024-ü buraxır
Niderland millisinin futbolçusu Frenki de Yonq qarşıdan gələn Avropa çempionatını buraxacaq.
Msport.az xəbər verir ki, bu barədə yığmanın mətbuat xidməti məlumat yayıb.
Tanınmış insayder Fabritsio Romano yarımmüdafiəçinin fiziki durumu pis olduğu üçün turnirdə iştirak etməyəcəyini yazıb. Onun ayaq biləyindən aldığı zədə hələ tam sağalmayıb. Turnirə qatılsa, durumun daha da ağırlaşma ehtimalı var.
Qeyd edək ki, AVRO-2024 14 iyun – 14 iyulda gerçəkləşəcək.
