Depay Madridə uçdu - Bu gün tibbi müayinədən keçəcək
Niderland millisinin hücumçusu Memfis Depayın “Barselona”dan “Atletiko”ya keçidi reallaşmağa yaxındır.
Msport.az jurnalist Karlos Monforta istinadən xəbər verir ki, futbolçu bu gün Bakı vaxtı ilə saat 11-də xüsusi təyyarə ilə Madridə uçub. 28 yaşlı forvard paytaxt klubunda tibbi müayinədən keçəcək.
“Barselona” Depayın satışına görə 3-4 milyon avro qazanacaq. O, “Atletiko” ilə 2025-ci ilin iyununa kimi müqavilə bağlayacaq.
Depay bu mövsüm “Barsa”nın heyətində bütün turnirlərdə 4 oyuna 1 qol vurub. O, meydanda ümumilikdə cəmi 206 dəqiqə keçirib.
ANAR ABDULLAYEV