Dünya çempionatının ən yaxşıları seçildi
Klublararası dünya çempionatının ən yaxşı futbolçuları müəyyənləşib.
Msport.az xəbər verir ki, turnirin ən yaxşı oyunçusu adına “Çelsi”nin futbolçusu Kol Palmer layiq görülüb.
O, final matçında PSJ-nin qapısına 2 qol vurub və 1 məhsuldar ötürmə verib. 23 yaşlı yarımmüdafiəçi yarışda ümumilikdə 3 qol və 2 məsuldar ötürmə ilə yadda qalıb.
PSJ-dən Desire Duai çempionatın ən yaxşı gənc oyunçusu seçilib. 20 yaşlı cinah oyunçusu 7 matçda 1 qol vurub.
“Çelsi”nin futbolçusu Robert Sançes turnirin ən yaxşı qapıçısı olub. 27 yaşlı ispaniyalı 6 oyuna çıxıb, 3 matçda qapısını toxunulmaz saxlayıb.
Qeyd edək ki, turnirin qalibi adını “Çelsi” qazanıb.
