“Əl-Nəsr” daha bir ulduzu transfer edir
“Mançester Yunayted”ə məxsus olan, icarə əsasında “Sevilya”da çıxış edən Aleks Telles yayda klubunu dəyişəcək.
Msport.az xəbər verir ki, 30 yaşlı müdafiəçi “Əl-Nəsr”in maraq dairəsinə düşüb. Səudiyyə Ərəbistanı təmsilçisi Tellesi yay transfer pəncərəsində heyətinə qataraq müdafiəni gücləndirmək niyyətindədir. Braziliyalının özü də “Əl-Nəsr”ə keçərək Kriştiano Ronaldoyla birgə çıxış etmək istəyir.
Qeyd edək ki, Telles cari mövsüm ərzində “Sevilya” formasıyla 32 oyunda iştirak edib və 3 assist edib.
Royal Türksoy