“Everton” yeni baş məşqçisini açıqladı
Şon Dayç İngiltərənin “Everton” klubunun baş məşqçisi təyin olunub.
Msport.az klubun rəsmi saytına istinadən xəbər verir ki, 51 yaşlı mütəxəssislə müqavilə 2025-ci ilin iyununa kimi nəzərdə tutulub.
Dayç bu postda Frenk Lempardı əvəzləyib. İngiltərə millisinin sabiq üzvü 2022-ci ilin yanvarın 31-dən “Everton”a rəhbərlik edirdi.
Dayçın son klubu 10 il ərzində işlədiyi “Börnli” olub. O, 2022-ci ilin aprelində bu komandanı tərk edib.
Qeyd edək ki, “Everton” 20 turdan sonra 15 xalla 19-cu yeri tutur.
Anar Abdullayev
