Fanatlar Balotellinin formasını yandırdılar
İsveçrənin “Sion” klubunun azarkeşləri Mario Balotellinin formasını yandırıblar.
Msport.az xəbər verir ki, italiyalı futbolçu “Sankt Qallen”lə oyunda (0:4) “Sion”un kapitanı olub.
Fanatlar onun 2022-ci ilin noyabrından bu yana qol vura bilməməsini bağışlamırlar.
32 yaşlı hücumçu 2022-ci ilin avqustunda “Adana Demirspor”dan İsveçrə klubuna keçib. O, yeni komandasında 14 oyunda 5 qol vurub və bir məhsuldar ötürmə verib.
Balotellinin “Sion”la müqaviləsi 2024-cü ilə qədərdir.
ANAR ABDULLAYEV
