Fatih Terim “Panatinaikos”a Türkiyədən futbolçu aparır
Yunanıstanın “Panatinaikos” klubunun başına keçən türkiyəli baş məşqçi Fatih Terim ilk transferini Super Liqadan edib.
Msport.az xəbər verir ki, 70 yaşlı mütəxəssis “Trabzonspor”da çıxış edən yunan yarımmüdafiəçi Anastasios Bakasetası klubun heyətinə qatmaq niyyətindədir.
“Panatinaikos”un 30 yaşlı təcrübəli futbolçuya bonuslarla birlikdə illik 2 milyon avro təklif edəcəyi bildirilir.
“Trabzonspor”la müqaviləsi mövsümün sonunda başa çatacaq Bakasetasın sözləşmənin uzadılması ilə bağlı təklifləri rədd etdiyi və klubdan ayrılmaq qərarına gəldiyi iddia edilir.
Futbolçunu boşu-boşuna itirmək istəməyən “Trabzonspor”un isə təxminən 1 milyon avro müqabilində təklifə “hə” deyəcəyi ehtimal edilir.
