"Fonseka "Milan"ın yeni baş məşqçisi olacaq" - Nikolo Skira
“Milan” “Lill”in baş məşqçisi Paulo Fonseka ilə razılıq əldə edib. Msport.az xəbər verir ki, bu barədə insayder Nikolo Skira paylaşım edib.
Onun sözlərinə görə, portuqaliyalı mütəxəssislə müqavilənin müddəti 2026-cı ilə qədər olacaq. Fonseka “Milan”da ilinə 3,5 milyon avro alacaq. Yaxın günlərdə tərəflər xırda detalları razılaşdırıb, anlaşmaya imza atacaqlar.
Fonseka 2022-ci ildən “Lill”ə rəhbərlik edir. Fransa klubu onun rəhbərliyi altında Liqa-1-də mövsümü 4-cü sırada başa vurub.
Xatırladaq ki, 51 yaşlı məşqçi daha əvvəl “Pakkuş Ferreyra”, “Portu”, “Braqa”, “Şaxtyor”, “Roma” klublarını çalışdırıb.
