"Gələn mövsüm də PSJ-də olacam" - Kristof Qaltye
PSJ-nin baş məşqçisi Kristof Qaltye növbəti mövsümdə komandada işləməyi planlaşdırır. Msport.az RMC Sport-a istinadən xəbər verir ki, 56 yaşlı mütəxəssisə ciddi təzyiqlər olsa da, o, fəaliyyətini davam etdirmək niyyətindədir:
“Biz Kampuşla (idman direktoru-red.) gələn mövsüm heyətdə hansı dəyişiklilər olacaq, bunun strukturunu qururuq. Gələn mövsüm PSJ-də fəaliyyətimi davam etdirmək niyyətindəyəm.
Mövsümün yekunları çempionatın axırında müzakirə olunacaq. Lakin unutmamlıyıq ki, bu mövsüm bir qədər fərqli oldu. Mövsümün ortasında milli komandaların iştirakı ilə əsas yarış – dünya çempionatı keçirildi. Biz çempionatın birinci hissəsində və fasilədən sonra nələr baş verib, bunu təhlil etməliyik.
Bilirik ki, nəyin üzərində işləməliyik, heyəti necə gücləndirməliyik. İnanın ki, çox oyunçular PSJ-yə keçmək istəyirlər”.
Qeyd edək ki, bir müddət öncə Paris klubunun Qaltyeni istefaya göndərməyə hazırlaşdığı barədə xəbər yayılmışdı.
ANAR ABDULLAYEV
