"Heç kim Messi ilə müqayisə oluna bilməz" - Pep Qvardiola
“Mançester Siti”nin baş məşqçisi Pep Qvardiola Lionel Messi haqqında danışıb.
Msport.az “Manchester Evening News”a istinadən xəbər verir ki, ispaniyalı mütəxəssisə Erlinq Haalandla Messini müqayisə etmək barədə sual veriləndə onun cavabı belə olub:
“Heç kim Messi ilə müqayisə oluna bilməz. Nə qədər “yeni” Messilər var idi, 10-15. Lakin onların heç biri ümidləri doğrultmadı.
Bütün suallar Haalandla bağlı verilir. Komandadakı digər futbolçular bunu gözəl başa düşürlər. Məsələn, Kevin de Brüyne əla insandır və Erlinq burda olduğuna görə şaddır. Ümumiyyətlə, bu, “Mançester Siti”nin bütün oyunçularına aiddir”.
