İlkay Gündoğan “Siti”yə İngiltərə kubokunu qazandırdı
İngiltərə kubokunun final oyunu keçirilib. Msport.az xəbər verir ki, “Uembli” stadionunda təşkil olunan həlledici görüşdə “Mançester Siti” “Mançester Yunayted”lə üz-üzə gəlib.
“Şəhərlilər” 2:1 hesabı ilə qalib gələrək fəxri mükafata sahib olublar. İlkay Gündoğan 14-cü saniyədə hesabı açaraq turnirin ən erkən qolunu vurub.
33-cü dəqiqə Bruno Fernandeş penalti ilə hesaba tarazlıq gətirib.
İkinci hissənin əvvəlində İlkay dubl edib və komandasına qələbə qazandırıb- 2:1.
“Mançester Siti” tarixində yeddinci dəfə İngiltərə kubokunu qazanıb. “Siti” bu mövsüm İngiltərə Premyer Liqasında qalib gəlib. İyunun 10-da isə “İnter”lə Çempionlar Liqasının final oyunu var.
ANAR ABDULLAYEV
